ദേശീയ പുരസ്​കാരം: രാഷ്​ട്രപതി പ്രധാനമന്ത്രിയുടെ ഒാഫീസിനെ​ അതൃപ്​തിയറിയിച്ചു

ന്യൂഡൽഹി: ദേശീയ പുരസ്​കാര വിതരണവുമായി ബന്ധപ്പെട്ട്​ ഉണ്ടായ വിവാദങ്ങളിൽ രാഷ്​ട്രപതി രാംനാഥ്​ കോവിന്ദിന്​ അതൃപ്​തി. പ്രധാനമന്ത്രിയുടെ ഒാഫീസിനെ രാഷ്​ട്രപതി അതൃപ്​തി അറിയിച്ചു.വാർത്ത വിനിമയ മന്ത്രാലയത്തി​​​െൻറ കെടുകാര്യസ്ഥത മൂലമാണ്​ അവാർഡ്​ദാനവുമായി ബന്ധപ്പെട്ടുള്ള വിവാദമുണ്ടായതെന്ന നിലപാടാണ്​ രാഷ്​ട്രപതിഭവൻ സ്വീകരിക്കുന്നതെന്നാണ്​ സൂചന. 

ഒരു മണിക്കൂർ മാത്രമേ അവാർഡ്ദാന ചടങ്ങിൽ പ​​​െങ്കടുക്കു എന്ന്​ നേരത്തെ തന്നെ അറിയിച്ചതാണ്​. ഇത്​ അവസാന നിമിഷത്തെ മാറ്റമായി അവതരിപ്പിച്ചതാണ്​ വിവാദങ്ങൾക്ക്​ കാരണമായതെന്ന്​ രാഷ്​ട്രപതിഭവൻ വ്യക്​തമാക്കുന്നു. ദേശീയ ചലച്ചിത്ര പുരസ്​കാരം ലഭിച്ച എല്ലാവർക്കും രാഷ്​​്ട്രപതി അവാർഡ്​ സമ്മാനിക്കുകയാണ്​ പതിവ്​. എന്നാൽ ഇതിൽ നിന്ന്​ വിഭന്നമായി 11 അവാർഡുകൾ മാത്രം രാഷ്​​ട്രപതി വിതരണം ചെയ്യുമെന്നും ബാക്കിയുള്ളവ കേന്ദ്രമന്ത്രി സ്​മൃതി ഇറാനി വിതരണം നൽകുമെന്നാണ്​ സർക്കാർ അറിയിച്ചത്​്​. തലേ ദിവസം നടന്ന റിഹേഴ്​സി​ലി​​നിടെയാണ്​ ഇക്കാര്യം വാർത്ത വിനിമയ മന്ത്രാലയം അവാർഡ്​ ജേതാക്കളെ അറിയിച്ചത്​. രാഷ്​ട്രപതി അവാർഡ്​ നൽകുമെന്നാണ്​ ജേതാക്കൾക്ക്​ നൽകിയ ക്ഷണക്കത്തിൽ അറിയിച്ചിരുന്നത്​.

സർക്കാറി​​​​െൻറ ഇൗ നിലപാടിൽ പ്രതിഷേധിച്ചാണ്​ പുരസ്​കാരം നേടിയ 68 പേർ അവാർഡ്​ നൽകുന്ന ചടങ്ങ്​ ബഹിഷ്​കരിച്ചത്​. എന്നാൽ കേരളത്തിൽ നിന്നുള്ള ഭൂരിഭാഗം പുരസ്​കാര ജേതാക്കളും ചടങ്ങ്​ ബഹിഷ്​കരിച്ചപ്പോൾ ഗായകൻ യേശുദാസും സംവിധായകൻ ജയരാജും ചടങ്ങിൽ പ​െങ്കടുത്ത്​ പുരസ്​കാരം ഏറ്റുവാങ്ങിയിരുന്നു.